“Восток” хуҗалыгында район җитәкчелеге, хуҗалык җитәкчеләре, җирлек башлыклары катнашында 2016 елгы эш нәтиҗәләренә багышланган семинар-киңәшмә булды. Әлеге чарада катнашучылар мегафермада булдылар, төзекләндерелгән мал торакларын, терлекләрнең азык белән тәэмин ителешен, сыттырылган ашлык саклау, силос траншеяларын карадылар, шулай ук машина-техника паркында булып, ремонт барышы белән таныштылар.
Пленар өлештә нәтиҗәләр ясалып, киләчәккә бурычлар билгеләнде.