Муниципаль районнар Кукмара муниципаль районы

Ял көннәрендә мәдәният йортларында күп төрле бәйрәм чаралары үтте

2017 елның 7 ноябре, сишәмбе

Халыклар бердәмлеге көне һәм Татарстан Республикасы Контитуциясенең 25 еллыгы уңаеннан Кукмара районы авыллары мәдәният йортларында күп төрле бәйрәм чаралары үтте. Аш Буҗи авылы клубында “Бердәм булыйк, бергә булыйк”, Өлгедә - “Бердәмлектә көчебез”, Пчеловодта – “Бердәм булыйк!”, Әсән Елгада - “Бердәлектә безнең көч”, Кәркәвечтә – “Татарстан – минем республикам”, Байлангарда – “Җырлы-моңлы туган ягым”, Чишмабашта – “ Сөенеп яшик, дуслар”, Югары Арбашта "Гөрләшеп яшик, дуслар", Каенсарда “Туган телебез – татар теле”, Түбән Үрәстә “Халыклар бердәмлеге көне” дип аталган чаралар әзерләнде һәм үткәрелде. Шулай ук, Ятмас Дусай, Югары Өскебаш, Битлянгур, Купка,Татар Толлысы авылларында әлеге бәйрәм көннәре билгеләп үтелде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2024 ел

Урманнарга югары янгын куркынычы турында штраф кисәтү. 2024 елның 28 апреленнән 2 маена кадәр чорда Татарстан Республикасы территориясендә урманнарга югары янгын куркынычы яный.

Алмашынучан болытлы һава. Җитди явым-төшемсез. Җил көньяк-көнбатыштан, төньяк-көнбатыштан 6-11 м/с тизлектә, көндез тизлеге 15-18 м/с. Төнлә минималь температура 12... 15˚. Көндез һаваның максималь температурасы 18... 22˚.

Мәгълүмат сәгате: «Сезнең ышаныч телефоны»

27 апрельда Зур Кукмара авылы гомуми урта белем бирү мәктәбенең 8 а сыйныф укучылары өчен, китапханәче Пахомова В.Г., «Сезнең ышаныч телефоны» исемле мәгълүмат сәгате үткәрде. Чарада катнашучылар өчен яшьләр ышаныч телефонына шалтыратудан курыкмаска, беренче шалтыратуга ничек әзерләнергә, анда нинди сораулар белән мөрәҗәгать итәргә кирәклеген белделәр.

«Без - Тукай оныклары» фестиваль

С.В. Михалков исемендәге үзәк балалар китапханәсе “Салават күпере” балалар бакчасы белән берлектә татар шагыйре Габдулла Тукайның тууына 138 ел тулуга багышланган «Без - Тукай оныклары» дигән фестиваль үткәрде. Конкурста төрле яшьтәге балалар катнашты. Китапханәче Закирова Фирдания шагыйрьнең авыр балачагы, иҗади юлы турында сөйләде, аның китаплары белән таныштырды. Аннары балалар туган телгә, туган якка, аның табигатенә мәдхия җырлап, Г.Тукай сүзләренә язылган җырлар башкарды, шагыйрьнең әсәрләре буенча үзләренең рәсемнәре, кул эшләре белән таныштырды, яраткан әкият геройларын сурәтләде. Фестивальдә катнашучыларга китапханә директоры Касыймова Резидә Хәкимулла кызы грамоталар тапшырды. Чара “Туган тел” җырын башкару белән тәмамланды.

«Төлке һәм куян» әкияте буенча театральләштерелгән уен

«Очрашуга бер адым» дигән Президент грантлары фонды проекты кысаларында С.В. Михалков исемендәге үзәк балалар китапханәсе китапханәчесе Әхмәтова Ләйсән балалар өчен «Төлке һәм куян» әкияте буенча театральләштерелгән уен үткәрде. Балалар әкиятләр буенча сәяхәткә чыктылар һәм яраткан геройларында кунакта булдылар. Әдәби викторина сорауларына җавап бирделәр, әкиятләр һәм әкият персонажларын фаразладылар. Аннары бармак курчаклары ярдәмендә «Төлке һәм куян»әкиятен уйнадылар. Балалар бу әкиятнең игелек һәм гаделлек, бер-береңне хөрмәт итәргә, көчсезне беркайчан да рәнҗетмәскә, ә дусларны бәладән коткарырга өйрәтүен белделәр. Чара китапларга күзәтү белән тәмамланды.

ЯҢАЛЫКЛАРГА ЯЗЫЛУ